[:en]Nýggja Strandfaraskipið \”Erla Kongsdóttir\” er partur av einum heilt nýggjum ættaliði av skjótt gangandi ferjum, ið nýta slóðbrótandi tøkni til at gagnnýta orkuna best møguligt og samstundis minka um bæði útlát og larm.
Altjóða tíðarritið Electric & Hybrid Marine Technology International hevur í sínari oktober-útgávu eina grein um nýggju føroysku tríkiljuna, har ein greining verður gjørd av tøknini umborð á Erlu Kongsdóttir og skipum av hennara slag. Greinin lýsir hvussu tað við slóðbrótandi samanseting av motortøkni, framkomnum byggitilfari, sniðgeving av skrokki, battarískipan, nevtralisering av útláti og aðrari nýmenning, ber til at flyta skiparakstur inn í eina nýggja øld.
– Hetta fer at kollvelta, hvussu vit fara at hugsa um skjótt gangandi ferjur í hesari støddini”, sigur skipsarkitekturin, Ingebjørn Asaheim, frá GS Marine Produktsjón, ið hevur saman við ørum tegna Erlu Kongsdóttir. Millum annað ber til at sigla at kalla ljóðleyst við battaríorku við ongum útláti til dømis í Ramsamsøki tætt at landi, somuleiðis at skifta til diesel-elektriska orku á opnum havi, har ynskiligt er at sigla skjótari, \”Erla Kongsdóttir\” er gjørt til at sigla yvir 20 míl.
Við Erlu Kongsdóttir og hava Føroyar ( Strandfaraskip Landsins) lagt seg á odda innan hetta slagið av ferðafólkaskipum.
Greinin í Electric & Hybrid Marine Technology International kann lesast í leikjuni her. https://www.ukimediaevents.com/publication/d90c86ae/62[:]
